منتديات


 
الرئيسيةالتسجيلدخول

شاطر | 
 

 أجمل الابوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بيكهام البصراوي
مشرف عام
مشرف عام
avatar

عدد الرسائل : 131
الاقامة : في قلب البصرة
الجنس : فحل صاك
sms : مو بيدي هاي الروح هية التحبكم
تاريخ التسجيل : 17/04/2008

مُساهمةموضوع: أجمل الابوذيات   الإثنين مايو 05, 2008 1:25 pm

سهامك وصلن لجبهتي ولاحن
وكلبك مابجه لحالي ولا حن
بليالي العيد لا افرح ولا حن
لجلك ياكطعت الوصل بيه


ياسباح كلبي من حشاكم
وعليه من العواذل من حشاكم
بسب ورجع وكولن من حشاكم
اعزاز ومن اسب ترجع عليه


زماني ما نصف وياي بچيــــله
ولج ياعين بسچ عاد بچي اله
حبيبي شلون صوبني بچيله
زرف قلبي ووكف شامت علية


ولهاك
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه


سهمك صابني للحين بعداه
ذليل وگمت اصيح اه بعد اااه
غيرك ما يسوي هيج بعدااه
ولا يعمل عملتك هاي بيـــة


ذبت وبنار هجرك مايع اني
وبقه كلبي يعاني ما يعاني
ذا تعطش اشربك ماي عيني
وجيب الروح لعيونك هديه


حبيبي دوم انا ازورك وجيلك
اللك فدوه شلع جيلي .. وجيلك
ابميزان الذهب قستك وجيِلك
طلع وزنك ذهب ... وراح من اديه


اثر طبع اليالي ون تخلي
ونخيت اسنين عمري ونتخلي
علية فزعت الغربة ونتة خلي
عفتني ابساعت الهدو علية


وحك من ذا الذي بالنبي اسرى
عبيدك اصبحت هالناس واسرى
خطيتي وكل مبتغاي وياك اسرة
وانه قصدي شريف وصادقه النيه


عزفت وما نصح عزفي وفناي
و وفيت شلون للعازف وفى الناي
شلون اصبر على فراكك وفناي
اصبر عالبعد يوم ومسيه


حياتي بدون شخصك شلي بيهة
وجميع اعظاي صارت شلة بيه
توديلي رسايل شلي بيهة
رايد شوفتك والكعدة سوية


گبل متصير بيضه وجنت محبس
وصغتك الروحي اصياغ محبس
ابطن امك انتظرتك وانته محبس
تسع تشر قرن صارن عليه


يمن حبك بنص الليل لاله
شني امك بلنساوة اشتهت لاله
من اگرب ليك ليش اتصيح لاله
خايف لاتموع ابين اديه


علي طيفك بتالي الليل هدهد
يمن حبك سحرني بعظم هدهد
من اگرب ليك لا تكلي انوب هدهد
وحگ ربك اجلب للمنيه


حجابك هذا لوقطعه من الغيم
يحفظك ياترف ربي من الغيم
دكضني خلصت كصتي من الغم
من اشوفك تصير جنون بيه


ماني حاته
حيلي انطيته اياك ماني حاته
وكلبك صخر ياهواي ماني حاته
صحيح انا حلو بس ماني حاته
تغازل دوم وتتراكض عليه


يوعان
اصيحن بالضماير ردت يوعن
طحت لاشال حد منهم يوعان
بيدي وكلت اخوي الجان يوعان
مسح حلكه ابقميصي وعط اديه


شمالك
حبيبي يحفظك الباري ابيمينك وشمالك
غناي انته وبعدك انا وشمالك
علي غيرنك الفلسين وك شمالك
الفلوس اتروح والوفة يظل هويه


خلص كلبي فحم داوي ويسري
ابسسب همي علي عسري ويسري
بعد مافاد من اهلي ويسرس
واريد من الجليل ايحن عليه


بلاعين
يناهي ابغي درع ثغرك بلاعين
اشمعذب شمع وجناتك بلا عين
عيوني دمع هللن بلاعين
وانته اشهلل دموعك عليه


نفر من كتله لج وكال مالج
واصبر الروح اكله اشبيج مالج
عشكتيلج حلو من بني مالج
تعافه وذب كل سوادينه عليه


حديد قيود جسمي من يلينه
ومايرحم وكتنه من يلينه
لنه رب التعله من يلينه
اله الشكوى ورحمته اوسع ثنيه


الاخ الكبير تعرض الى مهانه من احد الجهال فبعث الى اخيه بهذا الكلام
ياصاح عودي ذبل وتهرجتت لحمته
ونار البكلبي لونهه بالدسر لحمته
وغم الرجل ياخذ انصاف من لحمته


وياخوي خيل الدهر لمحاربك عنهه
والروح لهل الشرف واهل المجد عنهه
كلي بكت بس مسأله ارد انشدك عنهه
الجلب لوسمن هم تنوجل لحمته؟؟؟


فرد عليه اخيه
ياصاح اوصيك باخلاق المكارم جلب
وتلملم وصير بكلوب الخلايك جلب (اللب)
والناس ماهم سوه منهم شريف وجلب (الاب)
ومنهم تحسبه وتنسبه وللشرف ينساب
ومنهم شبيه العكربه اليلدغ وينساب
ولو سبك الشين ماله عرض ينساب
ولون عضك جلب هم يمكن تعض الجلب
_________________







هسه العتب وياك ان اوانه
وعليك الليل كله انه وانه
يالتهدد بالنفاهه انه وانه
وينك مو طبك دهري عليه

وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه

ترف يالصورك ربك من العين
اخاف اعليك من تمشي من العين
انا معذور يمدلل من العن
ابوك الخلفك للناس اذية

صرايف عشك روحي وكصرتلك
ونفس وكت المنازع وكت صرتلك
طويل واعلى منك وكصرت لك
حتى تلوح من تبوس ادية

انصاب اللي نظرلك حمى لو شل
والشامت من جمالك حمل وشال
صدرك طكً اشوفة حمل وشال
أحضنك حتى لو صرت المنية ؟

من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه

مره ابتعد عنك مرتاني
مره العسل منه مرتاني
مره بغفل بسته مرتاني
مره من الشفايف مرگصته
مره احجيله گصتي مر كصته
مره اشبع بطوله مركصته
ومره انطني روحي ومر اخيره
مره بدربي اول مر اخيره
مره نطيته فرصه مرخيره
اذا مايعتزل اعشكلي ميه
cheers

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة العراقيه
مشـــرفة عامـــة
مشـــرفة عامـــة
avatar

عدد الرسائل : 241
العمر : 31
الاقامة : بغداد المجروحه
الجنس : بنوته
sms : تعالو نبني المنتدى ايد بأيد ونعمر هذا منتدانه العزيز
تاريخ التسجيل : 09/04/2008

مُساهمةموضوع: رد: أجمل الابوذيات   الثلاثاء مايو 06, 2008 4:37 pm

روعه اخويه كولهم جميله ومكدرت اعين يا هي الي عجبتني كولهن روعه اختك سارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أجمل الابوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات :: المنتدى الادبي :: قسم كبار الشعراء-
انتقل الى: