بيكهام البصراوي
مشرف عام
عدد الرسائل : 131
الاقامة : في قلب البصرة
الجنس : فحل صاك
sms : مو بيدي هاي الروح هية التحبكم
تاريخ التسجيل : 17/04/2008
 | موضوع: مسجات رووووووووووعة  الجمعة أبريل 18, 2008 12:21 am | |
| دزلي مسج ويكول خابر ظروري
يحجي برصيدي ايريد يظربني بوري
طول بحجية وياي حسبتة شاطر
من الأرضي ثاري أهواي كاعد يخابر
دكله ست دكات ونكلب هزاز
نقالي هم شيطان يعرفهم إعزاز
موبايل المحبوب وانه رصيده
كل نغمه بيه اتصيح حبيبي واريده
بس انه اخابر ليش خابرني مره
عمي احنه موتجار والله احنه فقره
خلص رصيدي وياك بس انه اخابر
والنوبه تحجي اهواي والله انت شاطر
مكيف اجه فرحان ماخذ دمعتين
وانه الدموع انهار ماتسكن العين
اتمنى لو نقال بيدك حبيبي
جان اذنك وشفتيك صارن نصيبي
سامحني مارديت من خابرتني
بس اشكثر لحيت مو دمرتني
ماكو رصيد اتكول سويلي رنه
قلبك صخر يهواي ما بيه محنه
المسج مو كلمات قطعة من الاحساس
وبعثها الك ممنون يا اعذب الناس
طابوكه عندي اليوم وغلافه تعبان
ونقالك بكل يوم يتغير الوان
مستعمل النقال وشريته بالدين
فاتح عيونك ليش قابل دمعتين
عالارضي اخابر دوم والارضي مشغول
ونقالي بي سنتات تكفي بس مسكول
كل مره احجي وياك صارت قديمه
توني ارد اسلم عليك تقرا اليتيمه
اتمنى هل نقال بي بث مباشر
وانقلك بتركيز كل المشاعر
ماعندي بس دولار باقي برصيدي
خابرني اترجاك رجعلي عيدي
اشرلي بس مسكول تكفي الاشاره
خلص رصيدي وياك سوي لي جاره
نقال دب اهواي والرنه نجوى
وخلي فوك الضيم صورته الحلوى
خابرت ما رديت ليش انت زعلان
خابرني كلي اشبيك يا اجمل انسان
يتصل نص الليل حبيبي سكران
نايم اكله ايكول والله انت بطران
مرن سبع ساعات نقالي مارن
هنه تسع سنتات بس كلي يسون
صوتك غنه واشعار واحلى القصائد
ومن احجي انه وياك جن يمي كاعد
لعيونك الحلوات صدقني اشتاق
وما اصبر بلياك واتحمل افراق
كاتب حبيب الروح البوسة ممنوع
اوصل وابوس اهواي لو عبوة مزروع
واضح واصير وياك واحجي بصراحة
حبك صفالي هموم ماشفت راحة
اطلب وكلشي انطيك بس انت سالم
حوسمت قلبي اشبيك قابل حواسم
زين انت فك الباب خويه انتحاري
بس انت جبت احزام ناسف لداري
حبستك انته حزام ويشدلي ظهري
ناسف حزامك جان دمر لي عمري
توعدني صار اسبوع شو ما تجيني
وعالدرب يا لمحبوب منتظرة عيني
شعرك سواد الليل وخدودك انجوم
وبوجهك اهلالين لو طلعن نصوم
من الله هسة انطاك صرت اعمى متشوف
موجنت قبل ايام ادور اكطوف
يتباها حقه اهواي والله بدلاله
عجرم وليسا اتروح فدوى لجماله
ناوي السفر يفلان تاركني المن
وعيوني من فركاك صدكني يعمن
اهواي الك مشتاك شوف اشتياكي
وشبيدي اغار عليك غيرة عراقي
منين انته وهلك وين وبيا محلة
مشفت انه بهالكون من عندك احلى
شفت الضوه من بعيد حسبالي جتنه
هالكهرباء يفلان ثق دمرتنا
ليل ورمي وتفخيخ وسط الشوارع
وانه اعله طول اهواي واكف واباوع
لا عجرم ولاهيفاء حتى اصالة
مايمشن بممشاج انتي الغزالة
اهجم بيته الكال واحد يشبهك
وهم تلكه مثلي بيوم واحد يحبك
هذا احتلال ارجوك محتلني انته
استنكر انه اليوم كل العملته
اشجب وادين اليوم موقف حضرتك
بالكلب كاعد ليش قابل غرفتك
كاظم الساهر كال مابيها كلشي
بوس ارد ابوس اهواي من عدها وامشي
ليل ورمي وطلقات والشرطة هوسه
لزموني كالوا وين كلت رايد ابوسه
شرطة وحرس وسيام والنوبه صبات
اليرجع منين ايفوت بالشارع ايبات
روح اشتكي وشتريد هيه مهجومه
تهددني هاي اشبيك ضلت حكومه [/center] | |
|
ملكة الأحـــزان
نــــائبـة المديـــــر
عدد الرسائل : 669
الاقامة : على القـــمر
الجنس : بنوته
sms :
تاريخ التسجيل : 07/04/2008
| | موضوع: رد: مسجات رووووووووووعة الجمعة أبريل 18, 2008 3:51 pm | |
| | |
|
صديق وفي
مشرف عام
عدد الرسائل : 114
العمر : 34
sms : <!--- MySMS By AlBa7ar Semauae.com --><form method=\"POST\" action=\"--WEBBOT-SELF--\"> <!--webbot bot=\"SaveResults\" u-file=\"fpweb:///_private/form_results.csv\" s-format=\"TEXT/CSV\" s-label-fields=\"TRUE\" --><fieldset style=\"padding: 2; width:208; height:104\"> <legend><b>My SMS</b></legend> <marquee onmouseover=\"this.stop()\" onmouseout=\"this.start()\" direction=\"up\" scrolldelay=\"2\" scrollamount=\"1\" style=\"text-align: center; font-family: Tahoma; \" height=\"78\">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 07/04/2008
| | موضوع: رد.مسجات روعه الجمعة أبريل 18, 2008 4:33 pm | |
| | |
|
ميمي
•-«[ عضو فعال جداً ]»-•
![•-«[ عضو فعال جداً ]»-•](https://2img.net/h/www7.0zz0.com/2008/04/04/15/326532313.gif "•-«[ عضو فعال جداً ]»-•")
عدد الرسائل : 512
العمر : 38
الاقامة : الوطن الحبيب
الجنس : انثى
sms : للحب حرفان يعني اثنان فقط
قمة الحب تكفي عن مليون كلمة
اذا كانت من قلب صادق
تاريخ التسجيل : 06/04/2008
| | موضوع: رد: مسجات رووووووووووعة الأحد أبريل 20, 2008 2:08 pm | |
| مسجات اكثر من روعة بيكهام
كل الشكر لك | |
|
