منتديات


 
الرئيسيةالتسجيلدخول

شاطر | 
 

 تحشيش عراقي معدل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صديق وفي
مشرف عام
مشرف عام
avatar

عدد الرسائل : 114
العمر : 27
sms : <!--- MySMS By AlBa7ar Semauae.com --><form method=\"POST\" action=\"--WEBBOT-SELF--\"> <!--webbot bot=\"SaveResults\" u-file=\"fpweb:///_private/form_results.csv\" s-format=\"TEXT/CSV\" s-label-fields=\"TRUE\" --><fieldset style=\"padding: 2; width:208; height:104\"> <legend><b>My SMS</b></legend> <marquee onmouseover=\"this.stop()\" onmouseout=\"this.start()\" direction=\"up\" scrolldelay=\"2\" scrollamount=\"1\" style=\"text-align: center; font-family: Tahoma; \" height=\"78\">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 07/04/2008

مُساهمةموضوع: تحشيش عراقي معدل   الأربعاء أبريل 16, 2008 3:21 pm

قصة حشاش
اليوم راح اسولفلكم من رحت دا اجر خط من ابو المولد الكائن في منطقة راس الشارع
بس المشكلة انه بالاخير راد يبسطني ليييششش ؟؟؟؟
ما اعرف , والله ما سويتله شي بس هوة حوصلته ابكد اصبع رجله الصغير ما يتحمل شقة المهم لميت روحي و وجهّت نفسي بأتجاه راس
الشارع حيث تتواجد المولدة التكنوقراطية في الاحداثيات الكيفية اللي حطها الكرين بيها ( راجع كتاب كيميا مال رابع ابتدائي اذا مدا تفتهم علية )
اتدعبلت ال ابو المولدةطك طك طك طك طك (هاي اني من دا امشي) و وصلت شفته ( أو خشمة والله ما أتذكر لأن جانت حارة شوية )
واكف و ابيدة سجل التقفيص مال الفلوس و بصفة اكو عامل ديشوف المولدة و ديفحص بيها ,,المهم وصلت و بده الحجي( حجي لو شايب؟؟ ,, خخخخخخخخخخ (

-سلام علييييكم وجه و كفة مضروب قاط صبخ بنزركي فاتح شونك عمو ابو المولدة ؟؟؟

- شنووو شنو صبغ شنو فاتح هاي شبيك عمووو؟

- عمو هاي شبيك دعبلنا السلام بس انتة ما اتجاوب واذا سلام مال صباغين شكو بيها ؟

- ابني دعبلنا شنو ؟؟؟ شنو لاعب وياك دعابل قبل؟؟؟

- لا عمو لاعب ابخشمك خط وسط

- اللهم طولج يا روح ........أتفضل ؟؟

- لا عمو هستوني متغدي تسلم

- أبني ما عازمك على زقنبوت أتفضل يعني اشرايد ؟؟

- شرايد لو مجلات ؟؟؟ ها ها حلوة مو عمو؟ بس حلكها جبير

- ابني ... حبيبي شرايد مني ؟

- العفوعمو مو هذا المكان اللي دا اريد اوصل اله ؟؟؟

- و اني شمدريني انتة وين اتريد توصل ؟؟؟

- عبالي تعرف لان مبين عليك خوش رجال عمو و اذانك كبار يعني تركيبتك الآيديولوجية بيها تخمر ذهني خصم الحجي عمو انتة مو امخبل
يعني بس أشعجب انتة هم واكف هنا عبالك دا اريد اجيك و اجيتك يا سبحان الله !!!!

- ابني شدا اتخربط ؟؟؟ شنو شرايد مني ؟؟ ,,,,,فظنييي !!!

- مو هاي المولدة ؟؟

- لا ابني ,,,, كنتور

- لاعمو كنتور شنوو ؟ لعد وين الهدوم ؟؟ القبوط البازة و الفانيلات الجلد ؟؟ لا هذا بورد مال جوزات و هذا الكيس اقصد المحرك و هذا
الكابريتر أي والله وداعتي و هذاالكازكيت و هذا القفص مالتها ايخبل شنو عمو جايبة من سوك الغزل ؟؟

- أبني اشعندي ماليبو دا اشغل و بعدين شنو سوق غزل قفص مال بلابل كدامك ؟؟؟ هية مولدة اي مولدة والله مولدة و داعتك مولدة
شراييييييييددددددددد؟؟؟؟؟؟؟؟؟؟؟؟

- عمو زين هاي الجوزات تفتهم بالطب؟؟؟

- شنووووو؟ ولك يا طب ؟؟؟؟

- لعد مو عدها بورد؟؟؟؟؟ أي مو اللي يفتهم بالطب عندة بورد؟؟؟؟

- لك يا بورد يا دنكة مال ال خللفك أنتة شنو خبل ؟؟؟ لك بورد مال جوزاتهذا ,,,, لك شترييييييييييييييد؟؟؟؟؟

- هاي شبيك عمو كمت اتعضعض اب دشتاشتك و اتهلّس ابشعر راسك شنو ناسي شي بالكيا ؟؟؟ لو ناسي عجرم؟؟ اشو عصبي رايد اسحب
منك خط هاي شبيك ؟؟

- هاااا يا اهلا وسهلا ( ما احجيلكم ابو المولد اكبر مادي و ابو فليس رأسا بدل 180 درجة و ذب اللو اي عمي طبعا فلووووووووووس !! )
اي ابني تدلل عندي خطوط

- عمو رايدة أثيرالله ايخليك

- هوة شنوة أبني؟؟؟

- الخط

- نعلى على ساعة السودة اللي جبت بيها هال مولدة الكشرة ,, لك شنو أثير جاي تنصب علي؟؟؟؟؟؟؟

- لا عمو هاي شبيك عبالي تنطي خطوط مال موبايل وياها ما اقصد شي

) ابو المولد كام يباوع يمنة و يسرة حسيت ديريد يتذكر وين خلة التوثية بس الظاهر مدا يتذكر ويين )

- أبني انتة شكد رايد ؟؟

- رايد الماجد هع هع هع هع

- شنوو؟؟؟؟؟

- لا هيج عمو بس هوة شنوة؟؟؟

- الخط غيرر؟؟؟؟

- يا خط عموو؟؟؟

- أبني لا اتخبلني لعنة الله عال شيطان مو جاي تاخذ خط مني شنو نسييييت؟؟

- هااا أكوول ليش اني هنا اي عمو مرات انسى و هاي الحالة اتصير عندي من البس جواريب مبلله تدري مشاكل القرحة عمو

- عمو ديدردم و جنة ديريد يخابر عال 130 عليه

- خلص عمو اتذكرت رايد خط بس الجوزة عليك عمو

- لا ابني شون عليه؟؟

- اي عمو يعني عود انطيك فلوسها من ادفعلك القسط الشهري لهذه المولدةالكهربائية الرائعة بأذن الله ( كلت خلي اصير مثقف براسه بلكت ينزلي الف و نص شيي ) بس الجوزة خوما اتنفس؟؟؟؟


- شون اتنفس يعني؟؟ ليش راح اشدلك قنينة غاز عال بورد؟؟؟ولك انتة متخلف؟؟من يا كوكب جاي أنتة؟؟؟

- منكوكب الشرق أم كلثوم ,,,,,, لا عمو قصدي الجوزة خوما اتسرب كهرباق؟

- كهرباق؟؟؟؟ لا ما اتسرب كهرباق

- خوش لعد عمو أبو المولدة طكني أبجوزة بس شوية مستوية مو المرة أتخليني ارجعلكياها و نتخارب

- أللهم طولج يا روح ,,,زين أبني ,,, ميخالف ,,,,ام ال شكد؟؟؟

- ام ال 60امبير

- شنووو؟؟ ما عندي 60 امبير بعدين 60 امبير شصخم بيها؟؟؟؟

- مو الاتاري ما اخوية الصغير يسحب هواية خصوصا هاي مال الارنوب اللي ديعبر الشارع و كلساع ينسحك لأن ابو المرور ماكو أمسافر السوريا و .....,,,,,

- اللهم صبرني يا رب ( ابو المولد خلص اتأكد انه اللي واكف كدامة لو امخبل لو امكبسل )

- زين عمو عندك واير فد 10 كيلوات

- ليش ابني شسوي بيه؟

- حتى اسحب منك غير؟؟

- ابني ليش 10 كيلوات ليش انتة وين مهجومك؟؟؟( الحكووليييي أبو المولد جنة راح يخبزني و يسويني خبز عروك للجهال(

- بالغزالية عمو ليش ؟؟؟ ترة خوش منطقة بس كلها طسات من تمطر اتصير عدنا مسابح أولومبيه و ,,,,

- لك انتة امخبل؟؟؟؟ لك انتة قرد؟؟؟؟؟؟ لك جايني للمنصور اتريد تسحب خط للغزالية ؟؟؟؟؟؟ منغولي انتة؟؟

- عمو ليش شنو ممنوع؟؟؟ والله ما اعرف ممنوع اذا بيها مسائلة و حبس ملازم عمي مابينا حيل للطلايب أني افلت عمو مع السلامة ,,, أبو
الكياااااااااااااااا أوكف (هاي أني دا أصيح (
- لك وليديلك تعال بابه وين امولي؟؟؟ لك ممنوع شنو دنهرب مخدرات؟؟؟ ابني اكثر شي 200 متر و حتى هاي صعبة

- عمو عمو عندي حل شنو رايك اشتري grid من شارع الصناعة وأسحب منك كهرباء وايرليس؟؟؟؟

- لك انتة اتريد تجلطنييييييييييييييييي؟؟؟؟؟؟؟ نعلى على اليوم اللي جبت بي هال مولدة الغبرة

أشو هذا راح ورة شوية جاب ويا قذيفة آر بي جي و طرررررمممممممممم عال مولدة بحيث صارت يورانيوم و هم مو منضب و أبو
المولد حاليا كاعد أبمستشفى المخابيل يرسم جوزات أم ال 20 عال الحايط و المرض مالتة انه متصور نفسة راس توليد و محد مدا يعرف هذا شبي وليش


هههههههههههههههههههههههههههههههههههههههههههههههههه هههههههههههههههههههههههههههههههه

الله عليكم شلون تحشيش

ان شاء الله عجبكم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة الأحـــزان
نــــائبـة المديـــــر
نــــائبـة المديـــــر


عدد الرسائل : 669
الاقامة : على القـــمر
الجنس : بنوته
sms :


My SMS


يالتمشي حرشة عالجرح بسك ترى أذيته مو كافي عذبت الكَلب وبأخر نفس خليته


تاريخ التسجيل : 07/04/2008

مُساهمةموضوع: رد: تحشيش عراقي معدل   الأربعاء أبريل 16, 2008 3:28 pm

هههههههههههههههههههههههههههه

عااشت ايدك

تحشيشمو طبيعي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تحشيش عراقي معدل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات :: القسم الترفيهي :: منتدى الحشاشة-
انتقل الى: