.:. يمكن رياح البعد ارحم من احضان الحبيب .:.

.:. يمكن رياح البعد ارحم من احضان الحبيب .:.

استفزتني مواقف زادت الخفاق ريبه

ولعت في وردة أحلامي وبأوراقي لهيب

حطمتني لين صار الجرح أقوى من طبيبه

لعنبو جد الجروح اللي عجز عنها الطبيب

أمست الدنيا بعيني مرحله جداعصيبه

ياتكون أو لاتكون وياتصيب وياتخيب

بين رميات الظنون وطعنة الظلم الرهيبه

تسكت الأصوات مابه غير صوتك يالنحيب

لو تحس بغربتك في ديرتك ماهي مصيبه

المصيبه لو تحس إنك وسط روحك غريب

قلت آآه وصرخة الآهات بأعماقي صعيبه

مادريت انه عذابي صار لي حظ ونصيب

مادريت ان القصيده أجمل وأوفى حبيبه

والقلم لاصار يكتب مرهف إحساسي حبيب

انتظر ياقلب واصبر والزمان الله حسيبه

يمكن رماح البعيد أرحم من أحضان القريب